Bible Stories
Choose language
Choose Old Testament Story
Choose New Testament Story
ИОАНЛЫ ВОСЬТÖМ
Миян мушарным, кöнi ми олам, оз ло пыр. Библияын уналаысь позьö лыддьыны та йылысь, но торъя нин ”Иоанлы восьтöм” небöгысь. Библияын тайö медбöръя небöг.
Иоан вöлi Исус Кристослöн апостол. Исуслöн му вылын олiгöн Иоан вöлi том на. Медводдза эскысьяслöн висьталöм серти Иоанысь кындзи став апостолсö виисны. Но Иоан тшöтш сьöкыдалiс Кристос вöсна. Сiйöс вöлi ыстöма Грецияö Патмос дi вылö. Сэнi Господь петкöдчылiс сылы, унатор восьтiс да тшöктiс ставсö гижны да мöдöдны гижöдсö вичкоясö.
”Иоанлы восьтöм” небöг висьталö бöръя лоöмторъяс йылысь да локтанаыс йылысь. Тайöс петкöдлöма сизим печать, нёль верзьöма, сизим труба, Ен скöрлуна сизим чаша, Олöмыслöн небöг, зверлöн лыдпас – 666, Вавилон, сизим юра да дас сюра звер, дас öксы, сюрс во юралöм, енэжвывса Ерусалим кар, Олöмыслöн пу да уна мукöдтор пыр. Зэв ясыда висьталöма, мый Исус Кристос выльысь локтас му вылö да мыждас муюгыдсö. Сiйöс виччысисны медводдза эскысьяс, Сiйöс виччысьöны и öнiя эскысьяс.
508 
