Bible Stories
Choose language
Choose Old Testament Story
Choose New Testament Story
ГОСПОДЬЫС ÖТИ, И ЭСКÖМЫС ÖТИ
Мöдöдöм гижöдъясысь пасйöдъяс
Ставныс мыжмисны да олöны Ен дзирдлунтöг. (Римö мöдöдöм гижöд 3:23)
Мыжыс мынтысьö кулöмöн, а Енмыс – помтöм олöмöн миян Мездысь Исус Кристос пыр. (Римö мöдöдöм гижöд 6:23)
Енмыс öти. Ен да морт костын сулалысьыс тшöтш öти – Морт Исус Кристос. (Тимофейлы медводдза мöдöдöм гижöд 2:5)
Кристос кулiс миян мыжъяс вöсна. (Коринфö медводдза мöдöдöм гижöд 15:3)
Вомнад кö висьталан Исусöс Господьöн да сьöлöмнад кö эскан, мый Енмыс ловзьöдiс Сiйöс кулöмысь, мездман. (Римö мöдöдöм гижöд 10:9)
Вошöмаяслы крест йылысь висьталöмыс – йöйталöм, а миянлы, мездмöмаяслы – Енлöн выныс. (Коринфö медводдза мöдöдöм гижöд 1:18)
Лоöй дасьöсь да зумыда эскöй! Лоöй вынаöсь да повтöмöсь! (Коринфö медводдза мöдöдöм гижöд 16:13)
Ме ог яндысь висьтавлыны Кристослысь Бур Юöрсö, öд сiйö Енлöн выныс, мездö быд эскысьöс. (Римö мöдöдöм гижöд 1:16)
Асьнытö энö ылöдлöй – Енмыс серамтуйын оз ло. Мортыд мый кöдзас, сiйöс и вундас. (Галатияö мöдöдöм гижöд 6:7)
Мортыс – турун кодь, сылöн мичлуныс – дзоридз кодь. Турун косьмö, дзоридз усьö. (Петырлöн медводдза мöдöдöм гижöд 1:24)
Миянлы быдöнлы ковмас сувтны Кристослöн ёрд водзö. Сэки быдöнöс лоö мыждöма уджъясыс серти: бурсö али лёксö мортыс вöчис вир-яйын олiгас. (Коринфö мöд мöдöдöм гижöд 5:10)
Тадзи быдöн ас вöснаыс кывкутас Ен водзын. (Римö мöдöдöм гижöд 14:12)
Талун, Енлысь гöлöс шысö кылiгöн, энö чорзьöдöй сьöлöмнытö. (Еврейяслы мöдöдöм гижöд 3:15)
Господьыс öти, эскöмыс öти, и пыртчöмыс öти. (Ефесö мöдöдöм гижöд 4:5)
506 
