Bible Stories
Choose language
Choose Old Testament Story
Choose New Testament Story
ПАВЕЛ ТУЙДÖДÖ ВИЧКОСА ЮРНУÖДЫСЬЯСÖС
Ефес карысь Павел мунiс Македонияö да Грецияö. Сэсся шуис ветлыны Ерусалимö. Сiйö ёна тэрмасис, мед эськö Ветымынöд лун кежлö воöдчыны сэтчö. Милит карсянь Павел ыстiс Ефес вичкоса юрнуöдысьяслы юöр да корис найöс локны сы дiнö Милитö. Кор найö локтiсны, Павел дорвыв ставсö висьталiс налы:
«Тi асьныд тöданныд, медводдза лунсяньыс Асияö воöмсянь ме пыр вöлi тiянкöд. Ме кесъялi Господьлы рам сьöлöмöн да синва сорöн, кор ёна сьöкыдалi юдейяссянь. Йöз водзын да тiян гортъясын велöдiгöн ме висьталi тiянлы став коланасö. Висьталi юдейяслы и грекъяслы, мед бергöдчасны мыжъяссьыныс Ен дiнö да эскасны миян Господь Исус Кристослы.
Öнi Лов нуöдöм серти ме муна Ерусалимö. Мый менö виччысьö сэнi, ме ог тöд. Тöда сöмын, Вежа Лов быд карын эскöдö, мый дзескыдiн да сьöкыдлунъяс виччысьöны менö. Ме нинöм вылö ог видзöд, меным олöмöй абу дона. Сöмын кöсъя долыд сьöлöмöн помöдз мунны лöсьöдöм туйöдыс да помавны кесъялöмöс – висьтавны Енлöн буралöм йылысь Евангелльöсö.
Öнi ме тöда: тi онö нин аддзылöй менсьым чужöмöс. Тöждысьöй ас вöснаныд да став чукöрныд вöсна. Öд Вежа Лов пуктiс тiянöс, мед видзны Господь Енлысь Вичкосö. Ме тöда: менам мунöм бöрын пырасны тiян пöвстö горш кöинъяс да пондасны усьласьны чукöрныд вылö. Весиг тiян пöвстысь петасны йöз, кодъяс пондасны мöдарö велöдны да кыскыны ас бöрсяыс велöдчысьясöс.
Öнi, вокъяс, коля тiянöс Енкöд да Сылöн буралан кывйыскöд. Тайö кывйыс вермö ёнмöдны тiянöс да сетны тiянлы кöсйысьöмасö, мый вичмас став вежа войтырлы».
Тайöс шуöм бöрын Павел сувтiс пидзöс вылас да ставныскöд кевмысис. Ставныс кутiсны бöрдны да Павеллы сьылi вылас уськöдчöмöн окавны сiйöс. Торъя нин шогсисны Павеллöн шуöм кывъясысь, мый найö оз нин аддзывны сiйöс. Сэсся колльöдiсны Павелöс корабль вылö.
Апостолъяслöн уджъяс 20:16-38
480 
