Bible Stories
Choose language
Choose Old Testament Story
Choose New Testament Story
ГОСПОДЬ ЛОКТÖ ÖВРААМ ОРДÖ
Öтчыд Öвраам лун шöр кадö пукалiс аслас чом дорын. Виччысьтöг сы водзö сувтiсны куим морт. Öвраам пыдди пуктöмöн сибöдiс найöс, дасьтiс налы чöсмасянторъяс. Пажнайтöм бöрын öти на пиысь шуис Öвраамлы: «Во мысти тайö жö кадас Ме бара локта тэ ордö, сэки Сарра гöтырыдлöн чужас пи». Сарра кылiс тайöс да серöктöмöн ас кежас шуис: «Меным öмöй усяс татшöм шудыс, ме öд пöрысь нин?»
Сэки Господь шуис Öвраамлы: «Мый понда Сарраыд серöктiс? Эм-ö мыйкö вермытöмыс Господьлы? Индöм кадö Ме локта тэ ордö, сэки Сарраыдлöн чужас пи».
Сэсся Господь шуис: «Öвраамлы öмöй ог восьт Ассьым кöсйöмöс? Öд Öвраамсянь збыльысь петас ыджыд да вына войтыр. Сы пыр вуджас бурсиöмыс быд войтырлы. Ме öд бöрйи сiйöс».
Индöм кадö Господьлöн шуöмыс инiс.
Олöм 18:1-19, 21:1-3
40 
