Bible Stories
Choose language
Choose Old Testament Story
Choose New Testament Story
ЕНЛÖН КÖСЙЫСЬÖМ
Лотлöн мунöм бöрын Ен шуис Öвраамлы: «Видзöдлы войвылö да лунвылö, асыввылö да рытыввылö. Став мусö, мый тэ аддзан, Ме сета тэныд да тэсянь чужысьяслы нэмъяс кежлö. Тэсянь чужысьяслöн лыдыс лоö лыа мында: вермас кö кодкö артавны лыа чирсö, вермас артавны и тэсянь чужысьясöс».
Öвраам овмöдчис Мамре нима тупуа вöрö да вöчис сэнi Енлы висьпуктанiн. Кад мысти Ен шуис Öвраамлы: «Ме тэнö Дорйысьыс, и тэныд вичмас ыджыд бурсетöм». Но Öвраам вöлi ныв-питöм дай пöрысь нин, сiйö шогсьöмöн шуис Енлы: «Господьöй, Енмöй! Мый Тэ меным сетан? Ныв-пиöс Тэ меным эн сет, та вöсна овмöсöй вуджас кесйöгöйлы*а». Ен шуис сылы: «Оз вудж тэнад овмöсыд кесйöгыдлы, аслад пиыдлы вуджас». Сэсся Ен петкöдiс Öвраамöс ортсö да шуис: «Видзöдлы енэжас да лыддьы кодзувъяссö, верман кö лыддьынысö. Та мында лоас тэсянь чужысьыс».
Ен шуис Öвраамлы: «Сара гöтыртö эн нин Сараöн шу, сылöн лоö выль ним – Сарра. Ме бурсиа сiйöс, и сiйö чужтас тэныд пиöс». Öвраам эскис Енлы, та вöсна Енмыс шуис сiйöс веськыдöн.
Олöм 13:14-18, 15:1-6, 17:15-16
*а кесйöг – слуга, раб
38 
