Bible Stories
Choose language
Choose Old Testament Story
Choose New Testament Story
ВАВИЛОНСА БАШНЯ
Ной пиянлöн чужис уна челядь, и насянь сэсся муыс тыри йöзöн. Но ойдлöм бöрын йöзыс эз лоны бурджыкöсь.
Öтчыд йöзыс чукöртчисны да шуисны öта-мöдныслы: «Лэптамöй аслыным кар да башня, джуджданас енэжöдз, медым эгö разалöй став му пасьталаыс. Тадзи нимöдам асьнымöс». Асьнысö нимöдöм да ышнясьöм могысь йöз зiля босьтчисны уджö. Но Енлы тайö эз во сьöлöм вылас. Сiйö видзöдлiс карыс да башняыс вылö и шуис: «Тайö öти войтыр, и найö ставныс сёрнитöны öти кывйöн. Мыйö найö босьтчисны, вайöдасны помöдз. Налы öнi ставыс позя на. Лэччам да сорлалам налысь кывсö, медым öтиыс мöдыслысь сёрнисö эз гöгöрво».
Ен сорлалiс йöзлысь кывсö сiдз, мый найö эз кутны гöгöрвоны öта-мöднысö. Та вöсна найö эз вермыны водзö лэптыны башнясö. Тайö муыс кутiс шусьыны Вавилонöн, мöд ногöн кö, ”сорлалöм”. Сэсся Ен разöдiс сэтысь йöзсö став му пасьтала.
Олöм 11:1-9
32 
