Bible Stories
Choose language
Choose Old Testament Story
Choose New Testament Story
ИСУС КРАМЫН
Исус быдмис Назарет карын. Гижöма, мый Енлöн бурсиöмыс вöлi Сы вылын.
Быд во Ыджыд лун кежлö Исуслöн бать-мамыс ветлывлiсны Ерусалимö. Кор Исуслы тыри дас кык арöс, найö босьтiсны Сiйöс аскöдныс. Ыджыд лун бöрын ставöн бöр мöдöдчисны гортаныс. Исус зонка кольччис Ерусалимö. Та йылысь Öсип да Мария эз тöдны, чайтiсны, мый Сiйö мунö мукöдыскöд. Лунтыр мунöм бöрын найö пондiсны корсьны Исусöс рöдвуж да тöдсаяс пöвстысь, но эз аддзыны. Сэки бöр косiсны Ерусалимö корсьны Сiйöс.
Куим лун мысти Öсип да Мария аддзисны Исусöс крамысь. Сiйö пукалiс велöдысьяс пöвстын, кывзiс-юасис найöс. Сылöн мывкыдлуныс да вочавидзöмъясыс шензьöдiсны кывзысьясöс. Исуслöн мамыс чуймис, мыйла сылöн Пиыс нинöм висьтавтöг кольччис крамö. Сiйö шуис Исуслы: «Пиöй, мыйла нö Тэ тадзи вöчин? Ми батьыдкöд сьöлöм потмöн корсим Тэнö». Исус шуис налы: «Мыйла тi корсинныд Менö? Энö öмöй тöдöй, мый Меным колö лоны Бать керкаын?» Но Сылöн мувывса бать-мамыс эз гöгöрвоны Сылысь кывъяссö.
Исус бöр локтiс бать-мамыскöд Назаретö и быдторйын кывзысис налысь. Гижöма, мый Сiйö вöлi муса Енмыслы, и йöзыс бурö пуктiсны Сiйöс.
Лука 2:40-52
308 
