Bible Stories
Choose language
Choose Old Testament Story
Choose New Testament Story
ЕГИПЕТЫСЬ БÖР ЛОКТÖМ
Ирöд кулöм бöрын Енлöн андел бара петкöдчис Öсиплы вöтас да шуис: «Чеччы, босьт кагасö мамыскöд да бöр мун Израиль муö. Кагатö вины кöсйысьяс абу нин ловъяöсь».
Öсип вöчис анделлöн шуöм серти. Сiйö локтiс Исускöд да Мариякöд Израиль муö. Но кор кылiс, мый Юдеяын веськöдлö Ирöдлöн Аркелай пиыс, повзис сэтчö мунöмысь. Сэки вöтас сылы воис Енсянь тшöктöм – мунны Галилеяö. Сэтчö воöм бöрын найö овмöдчисны Назарет карö.
Ми зэв этша тöдам Исуслöн челядьдыр да том кад йылысь. Öсип вöлöма киподтуя мортöн, кужлöма тшупсьыны да вöчасьны пуысь. Велöдлöма тайö уджас тшöтш Исусöс. Бур Юöрын гижöма, мый Исус быдторйын кывзысис Аслас мувывса бать-мамыслысь. Нöшта гижöма: «Исус сöвмис, мывкыдлуныс сылöн содiс».
Став челядьлы колö кывзысьны бать-мамлысь. Тайöс кöсйö Ачыс Енмыс. Енлöн дас тшöктöм пиысь öти висьталö тадзи: «Пыдди пукты ассьыд бать-мамтö, медым тэ дыр олiн сiйö муас, кодöс сетö тэныд Господь Ен».
Матвей 2:19-23, Лука 2:51-52, Петöм 20:12
306 
