Bible Stories
Choose language
Choose Old Testament Story
Choose New Testament Story
ОЗЕЙ ÖКСЫÖС МЫЖДÖМ
Озей*а вöлi Иуда муын дасöд öксыöн. Сылы вöлi дас квайт арöс, кор сiйöс пуктiсны öксыö. Озей юралiс Ерусалимын ветымын кык во. Закар поп дырйи Озей олiс Енлысь кывзысьöмöн, öд Закар велöдiс сiйöс повны Енмысь.
Ассьыс мусö дорйöм могысь Озей лэптiс Ерусалимын башняяс. Сiйö кодйис уна юкмöс, öд сылöн вöлiны ыджыд видз-муяс, паськыд виноград йöръяс да унасьыс-уна пемöс. Озейлöн вöлi куимсё сюрс шыпурта морт. Сiйö вöчöдiс аслас тышкайöзлы кöрт кышöдъяс да сайöдъяс*б, шыяс да ньöввужъяс. Ерусалим кар пельöсъясö да башняясö сувтöдiс ньöвъясöн*в да гырысь изъясöн лыйсянъяс. Озей выналуннас нималiс ылöдз, öд Енмыс быдторйын отсалiс сылы.
Но кутшöмкö кад мысти Озей кутiс ыкшаасьны-ошйысьны аслас вынöн. Сiйö кежис Енсьыс да вöчис уна мыж. Öтчыд сiйö мунiс крамö тшынöдчыны. Аркирей шуис öксылы: «Оз позь тэныд, Озей, тшынöдчыны Господь водзын. Тайöс позьö вöчны сöмын Аарон чужанвужйысь петöм попъяслы, öд найöс вежöдöма да пуктöма та вылö. Пет крамсьыс. Тэ торкин Господь Енлысь тшöктöмсö, и Сiйö оз нин бурси тэнö». Озей öксы ёна скöрмис. Дзик пыр сылöн плешкас мыччысис проказа. Кор аркирей да попъяс аддзисны тайöс, найö пондiсны вöтлыны сiйöс крамысь. Озей тэрмасьöмöн петiс, öд гöгöрвоис, мый Ен мыждö сiйöс.
Озей öксы висис проказаöн кувтöдзыс. Сылы ковмис овны торъя керкаын и эз позь пырны крамö. А Иуда муöн веськöдлiс сылöн Иофам пиыс.
Пасйöдъяслöн мöд небöг 26
*а мöд нимыс Азарей
*б сайöд – щит
*в ньöв – стрела
208 
