Bible Stories
Choose language
Choose Old Testament Story
Choose New Testament Story
ИОАС ÖКСЫ
Окозей вöлi Иуда муын öксыöн. Окозейлöн кулöм бöрын сылöн Гофолия мамыс шуис бырöдны öксылысь став рöдвужсö, медым аслыс пуксьыны öксыö. Но Окозейлöн чойыс дзебис öксылысь Иоас писö. Квайт во чöж сiйöс дзеблалiсны крамын. Тайö кад чöжыс Иуда муын юралiс Гофолия.
Кор Иоаслы тырис сизим арöс, Иодай поп корис крамö тышкайöзöн веськöдлысьясöс да тшöктiс налы видзны öксылысь писö. Шыпуртаяс кытшалiсны крамсö быд боксянь. Сэки Иодай поп вайöдiс Иоасöс да пуктiс сылы юр вылас зарни юркытш. Ставныс нимкодясисны да горзiсны: «Мед олас öксы!» Кор Гофолия кылiс горзöмсö, сiйö локтiс крамö. Но шыпуртаяс нуöдiсны сiйöс сэтысь да виисны.
Иоас радейтiс Енмöс да олiс Сылöн тшöктöмъяс серти. Сiйö тшöктiс весиг чукöртны сьöм, мед дзоньтавны крамсö. Но Иодай поплöн кулöм бöрын Иоас öксы кутiс кывзыны Иуда войтырлысь веськöдлысьясöс да эз кут овны Енлöн тшöктöмъяс серти. Сiйö кежис ловъя Енмысь да юрбитiс идолъяслы. Öтчыд, кор Иодайлöн Закар пиыс янöдiс войтырсö налöн мыжъясысь, Иоас тшöктiс вины сiйöс. Тайö лоöмтор бöрас Иуда муöс суис ыджыд шог: сирияса тышкайöз куштiсны мусö, виалiсны веськöдлысьяссö, нуисны крамысь став озырлунсö, а Иоас öксыöс чорыда дойдiсны. Сэки сылöн кесйöгъясыс локтiсны да виисны сiйöс.
Öксыяслöн нёльöд небöг 11-12, Пасйöдъяслöн мöд небöг 24
206 
