Bible Stories
Choose language
Choose Old Testament Story
Choose New Testament Story
ИЗРАИЛЬ – ВОЙВЫВ МУ
Войвыв му сулалiс кыксё дас во. Тайö кадас вежсис дас öкмыс öксы. Сэнi вöлi кисьтöма уна вир. Израиль дугдывтöг тышкасис Иудакöд да мукöд муяскöд. Израильса öксыясöс тшöкыда виавлiсны, весиг пияныс, медым на пыдди аслыныс пуксьыны ыджыдалысьö. Войвыв муын öксыясыс вöлiны öкмыс чужанвужйысь, а Лунвыв муын – сöмын Давид чужанвужйысь.
Войвыв муын öксыяс олiсны шогмытöма. Найö кежисны Енлöн туй вылысь, уна мыж да лёк вöчисны. Найö мыжö вöйтiсны тшöтш став войтырсö. Тайö муас вöлi ёна паськалöма пеж оласног да идолъяслы юрбитöм.
Медводдза öксы дырйи нин войтырыс кутiс юрбитны идолъяслы. Еровам öксы полiс: «Менам муöй бара вермас вуджны Давид рöдвужлы. Кутас кö войтырöй вись вайöм могысь ветлыны Ерусалимö Господьлöн крамö, налöн сьöлöмыс бергöдчас иудаса Ровоам öксылань. Сэки менö виасны, а войтыр бöр мунас Ровоам дiнö». Еровам вöчис кык зарни öшкöс: öти öшсö сувтöдiс Вефильö, а мöдсö – Данö. Войтырыслы сiйö шуис: «Израиль войтыр, оз ков тiянлы ветлыны Ерусалимö. Тайö öшъясыс – тiян енъясныд, кодъяс петкöдiсны тiянöс Египетысь». Тадзи йöзыс усисны мыжö – найö кутiсны юрбитны зарни öшъяслы, тшöтш Ваал идоллы.
Сiйö кадас Израильын олiс Акей пророк. Сiйö шуис Еровамлы: «Тадзи висьталö Господь, Израильлöн Ен: ”Тэ ёна унджык вöчин лёксö на дорысь, кодъяс вöлiны тэöдз. Тэ вöчин аслыд мукöд енъясöс да идолъясöс, эновтчин Меысь да скöрмöдiн Менö. Та вöсна Еровам рöдвуж вылö Ме ыста шог”». Тадзи и лоис.
Öксыяслöн коймöд небöг 12-14
190 
