Bible Stories
Choose language
Choose Old Testament Story
Choose New Testament Story
ИУДА – ЛУНВЫВ МУ
Лунвыв му сулалiс куим нэм да джын. Сiйö бырис 135 во мысти Войвыв мулöн усьöм бöрын.
Иуда муын вöлi кызь öксы. Унджык öксыыс кежис Енсьыс, юрбитiс идолъяслы да олiс пеж олöмöн. Но öткымынöн эскисны да кывзысисны ловъя Енлысь. Езекей да Иосей öксыалан кадö йöзыс унаöн бергöдчисны Енлань. Öксыяслöн тшöктöм серти жугöдiсны идолъяслы юрбитанiнъяссö, лыддисны войтырыслы Енлысь Кыв. Тадзи йöзыс эновтчисны лёк вöчöмъясысь да кутiсны овны Енлöн Индöд серти.
Олысьяслöн лыд серти Иуда му вöлi квайт пöв ичöтджык Израиль муысь. Матiгöгöрса войтыръяс серти Израиль да Иуда вöлiны ичöт войтыръясöн. Иуда да Израиль тышкасисны ас костаныс, но тшöкыдджыка найö тышкасисны ентöдтöм войтыръяскöд: войвылын – Сириякöд, асыввылын – Ассириякöд да Вавилонкöд, рытывлунвылын – Филистимкöд, асыв-лунвылын – Моавкöд.
Кор Иуда да Израиль кывзысисны Енлысь, найö вермывлiсны тышъясын. А кор олiсны Индöдсö торкалöмöн, Ен мыждылiс да сетлiс найöс паныд мунысьяслöн киö. Но Енмыс эз вунöд Ассьыс войтырсö, Сiйö видзöдiс на бöрся. Гижöма: «Сiйö аддзис найöс овтöминысь, шуштöм кушинысь. Сiйö тöждысис на вöсна, дорйис да видзис найöс синмöс моз» (Мöд Индöд 32:10).
188 
