Bible Stories
Choose language
Choose Old Testament Story
Choose New Testament Story
ЙÖРДАН Ю ВОМÖН ВУДЖÖМ
Ерикон карö мунiгöн Израиль войтырлы колö вöлi вуджны Йöрдан ю вомöн. Ен шуис Навин Исуслы: «Талун Ме кыпöда тэнö Израиль войтырлöн син водзын. Найö тöдмаласны, мый Ме тэкöд, кыдзи Ме вöлi Мöисейкöд. Йитöд Кудсö нуысь попъясыслы тшöкты Йöрдан ю дорö локтöм бöрын пырны ваö да сувтны сэтчö». Сэсся Навин Исус юöртiс Израиль войтырлы, мый Енмыс вöтлас на водзысь мукöд войтырöс, и найö тöдмаласны, мый накöд ловъя Ен.
Кор Куд нуысь попъяс пырисны Йöрдан юö, ваыс дугдiс ви зувтны да вылысладорсяньыс сувтiс стенöн, а кок увсьыныс ваыс мунiс. Израиль войтыр вуджис Йöрдан юсö косiнтi. Йöзыслöн вуджигöн попъяс сулалiсны ю шöрас да кутiсны пельпом выланыс Йитöд Кудсö. Навин Исус тшöктiс дас кык мортлы босьтны попъяслöн сулаланiнысь дас кык из. Кор став йöзыс вуджисны, Ен шуис Навин Исуслы: «Йитöд Куд нуысь попъяслы тшöкты петны Йöрдан юысь». Кор найö петiсны, ваыс бара кутiс визувтны ыджыд öдöн.
Медым израильсаяс эз вунöдны тайö ыджыд шензьöданатор йывсьыс, Йöрдан юысь босьтöм дас кык изсö найö нуисны аскöдныс Енмöн кöсйысьöм муö. Навин Исус пуктiс тайö дас кык изсö Израиль войтырлöн медводдза сувтланiнö.
Навин Исус 3-4
130 
