Choose Language
Old Testament Books
New Testament Books
1Иудей эксэйлэн Озиялэн Иоафам пиезлэн, Ахаз пиезлэн улон нуналъёсаз Сириялэн эксэй престол вылаз пукиз Рецин, Израильлэн эксэй престол вылаз пукиз Ремалиялэн пиез Факей; соос Иерусалимлы пумит мынӥзы сое киултон понна, но киултыны ӧз быгатэ.
2Давидлэн юртэзлы ивортэмын, верамын вал: Сирияысь ожгарчиос Ефрем музъеме интыяськизы. Вырӟиз Ахазлэн сюлмыз, кызьы тӧласькыку нюлэскысь писпуос шонасько, озьы ик солэн калыкезлэн но сюлмыз вырӟиз.
3Кузё-Инмар Исаиялы шуиз: «Тон но, тынад Шеар-Ясув пиед но, Ахазлэн пумитаз потэ, вылӥ ӵыпетэ ву бызён дырдылэн пумаз, дэра гужатон бусые нуись сюрес вылэ,4солы тазьы шу: чакласькы, но кышкатэк ул; эн курда, сюлэмыд медаз куректы мыд-мыд палтӥз ӵындыса улӥсь кык сэрегпумъёслэсь, – вожпотонэн ӝуатскем Рецинлэсь но Сирия пиослэсь, Ремалиялэн пиезлэсь.5Сирия, Ефрем но Ремалиялэн пиез тыныд пумит урод уж малпало, соос шуо:6”Иудея вылэ ӝутскоме, бугыртоме сое, асьме кие басьтоме но отчы Тавеиллэсь пизэ эксэе пуктоме”.
7Нош Инмар Кузё-Инмар тазьы шуэ:
”Тазьы уз луы, тазьы уз пӧрмы”.
8Сириялэн йырыз – Дамаск, Дамасклэн йырыз – Рецин.
Куатьтон вить ар ортчыса, Ефрем калык ышоз-быроз.
9Ефремлэн йырыз – Самария,
Самариялэн йырыз – Ремалиялэн пиез.
Тӥ уд оскиське, малы ке шуоно осконды юнматэмын ӧвӧл».
10Кузё-Инмар Ахазлы, веранзэ азинтыса, шуиз:11«Инмаредлэсь Кузё-Инмаредлэсь аслыд паймымон тодмет кур: кур яке улӥысь, яке вылӥысь».12Ахаз шуиз: «Уг куры, Кузё-Инмарлэсь визьзэ уг сына».13Соку Исаия шуиз: «Давидлэн юртэз, кылзӥськы ук! Уг тырмы шат тӥледлы адямиослэсь визьзэс сынамды, мынам Инмарелэсь но чиданзэ эскеремды потӥз-а?14Со понна ик Ачиз Кузё-Инмар тӥледлы паймымон тодмет возьматоз: тани, Нылмурт секытэн луоз, Пи нуны ваёз но, Солы Еммануил*а ним сётозы.15Уродэз кулэтэм карыны но ӟечез бырйыны валатозяз, Со йӧлын но чечыен кӧтсэ тырыса улоз.16Та нуны уродэз кулэтэм карыны но ӟечез бырйыны валатозяз, кыкезлэн ик кышкано эксэйёсыдлэн музъемзы тырттэм кылёз.17Но тон вылэ, тынад калыкед вылэ, тынад атаедлэн юртэз вылэ Кузё-Инмар сыӵе нуналъёс лэзёз, кыӵеосыз Ефремлэн Иуда бордысь люкиськон дырысеныз ӧз лыктылэ, – лэзёз Ассириялэсь эксэйзэ».
18Со нуналэ тазьы луоз:
Кузё-Инмар Египетысь шурлэн усёназ улӥсь кутлы,
Ассирияысь музъем вылын лобась мушлы тодмет сётоз, –
19лобӟыса лыктозы но тырттэм кылем нёжалъёсы,
изгурезьлэн висъёсаз,
вань бышкиськись куакъёс вылэ,
вань писпуос вылэ соос пуксьылозы.
20Со нуналэ Кузё-Инмар шур тупалась пунэмам бритваен,
Ассириялэн эксэеныз, йырзэ мычоз но,
пыдысьтызы гонъёссэс но, тушсэс но басьтоз.
21Со нуналэ тазьы луоз: кин скал но кык ыж вордэ,
22соос сокем трос йӧл сётозы, со мурт вӧй сиыса улоз.
Ваньмыз та музъеме улыны кылемъёс вӧй, чечы сиыса улозы.
23Со нуналэ тазьы луоз:
сюрс азвесь коньдон тыр сылӥсь сюрс виноградпудъёс будон интые
тёрнпу но бышкиськись куак пушъёзы.
24Ньӧлъёсын, пукыӵъёсын отчы ветлозы,
уго быдэс музъемез тёрнпу но бышкиськись куак басьтоз.
25Гырисьёслэн сузям одӥгаз но гурезязы табере уд ни мыны,
тёрнпулэсь но бышкиськись куаклэсь кышкаса:
отчы ошъёсты поттылозы, ыжъёс, кечъёс сое лёгалозы.
*а 7:14 Еммануил – «Инмар – асьмемын» шуэм луэ
Глава 7
