Bible
Choose Language
Old Testament Books
New Testament Books
ИСАИЯ ПРОРОКЛЭН КНИГАЕЗ
4-тӥ ЛЮКЕТ
1Со нуналэ сизьым кышномуртъёс одӥг пиосмурт борды кырмиськозы но шуозы:
«Асьмелэсь няньмес сиёмы, асьмелэсь дӥськутмес нулломы,
только тынад нимыныд нимаськыны мед быгатомы, –
сӥтэм-сантэм улонэз ми бордысь басьты».
2Со нуналэ Кузё-Инмарлэн пушъетэз, музъемлэн емышез чеберлыко, сӥё-дано луоз, быдӟымлыкен но данэн Израильлэн улэп кылем пиосыз доры лыктоз.3Соку Сӥонэ кылемъёс, Иерусалиме утиськыса кылемъёс – ваньмыз Иерусалимын улон понна книгае гожтэмъёс – святойёс шуыса нимаськозы.4Кузё-Инмар Сӥон нылъёслэсь кырсьсэс гылтоз, Иерусалимез вирлэсь судэн, тылын сузялоз.5Быдэс Сӥон гурезь вылэ, отчы люкаськем вань калык вылэ нуназе куазен Кузё-Инмар пилем но ӵын поттоз, уй куазен гомась тылын чилекъятоз; уго вань сӥё-даноез вылын Кузё-Инмарлэн шобретэз улоз.6Нуназе пӧсьлэсь вужерен шобыртоз, урод куазьлэсь, зорлэсь ватоз-утёз.
Глава 4
