Choose Language
Old Testament Books
New Testament Books
1«Берытскыса учкы, учкы, Суламита!
Берытскыса учкы, учкы, – ми но тон шоры учкомы».
«Малы тӥ Манаимысь котыр бергаса кырӟаса ветлӥсьёс шоры кадь
Суламита шоры учкыны кулэ?»
2«Сандали кутчаськод ке,
о, макем чебересь тынад пыдъёсыд, нимо-дано нылмурт!
Макесэдлэн быглесъёсыз
кибашлы муртлэн киосыныз быгатыса лэсьтэм весь кадесь;
3кӧтыд – ноку бырисьтэм вина возён котырес тэркы кадь
ялан ческыт зын поттэ;
кӧтыд – лилия сяськаосын чеберъям чабей люк кадь;
4ноныосыд – кык кечпиос кадесь, кыркечлэн кыкто пиосыз кадесь;
5тынад чыртыед – слон лылэсь лэсьтэм юбо кадь;
синъёсыд – Есевонысь Батраббим ӟезьы дорысь тыос кадесь;
тынад нырыд – Дамаск пала учкыса сылӥсь Ливанысь каланча;
6тынад йырыд – Кармил гурезь кадь,
йырысьтыд йырсиосыд – нап-горд басма кадесь;
бабля йырсиосыдлы синмаськыса, эксэй пленэ сюремын.
7Макем тон чебер,
макем тон аслад ненег чеберлыкеныд
бордад кыскиськод, яратонэ мынам!
8Тынад та мугорыд пальмалы укша,
гадьёсыд – виноград пурыослы.
9Мон малпай: пальмапуэ тубысал но
улвайёсыз борды кутӥськысал;
тынад гадьёсыд виноград пурыос интыын луысалзы,
нырпысытӥд потӥсь зыныд улмо бордысь потӥсь зынлы укша;
10ымыд тынад – усто вина кадь».
«Со шонерак мынам эше доры бызе,
жадемъёслэсь ымзэс ческыт каре.
11Мон эшелэн киулаз улӥсько,
солэн мылкыдыз мон пала кыстӥське.
12Лыкты мон доры, яратонэ, бусые мыном,
гуртъёсын уймес потом;
13ӵукна виноград садъёсы мыномы,
учком, виноград вайёс пушйиллям-а ини,
пучыосыз усьтӥськиллям-а ни, гранатпуос сяськаяськиллям-а ни;
отысен мон тыныд яратэмме возьмато.
14Мандрагорпуос ческыт зынзэс поттӥллям ни,
ӧсъёсмы выжые устолэсь но устоесь емышъёс –
выльёсыз но, вужъёсыз но – тыремын;
тон понна, яратонэ, мон соосты утьыса вози!»
Глава 7
