Choose Language
Old Testament Books
New Testament Books
1Няньдэ ву кузя лэзь, –
трос нуналъёс ортчем бере сое нош ик шедьтод.
2Сизьымлы люкет сёт, – тямыслы но,
уго уд тодӥськы, кыӵе шугадӟон музъем вылэ лыктоз.
3Пилемъёс вуэн тыр-тыресь луизы ке,
соку соос музъем вылэ зор ву кисьтозы;
лымшор пала-а, яке уйпала-а писпу усёз,
со отчы ик, усем бервылаз, кылёз.
4Кин тӧлэз чакласа-эскерыса улэ, со уз кизьы;
кин пилем шоры учкыса улэ, со уз ара.
5Кызьы тон тӧллэсь сюрессэ уд тодӥськы, уд тодӥськы, кызьы нуны ваёно муртлэн пушказ лыос кылдо, озьы ик тон ваньзэ лэсьтӥсь Инмарлэсь ужзэ тодыны уд быгатӥськы.
6Ӵукна кидыстэ кизь, ӝыт но киыдлы тэк улыны маза эн сёты, малы ке шуоно тон уд тодӥськы таиз-а, яке соиз-а кизем юэд удалтозгес, яке соиз но, таиз но огкадь ӟеч удалтозы.
7Югытлык – шумпотон, син шумпотэ, шундыез адӟыса.
8Адями кема аръёс ке но улӥз, со вань улоно аръёсыз ӵоже мед шулдыръяськоз, но тодаз мед ваёз лыктоно пеймыт нуналъёс сярысь, – соос трос луозы; нош ваньмыз, мар луоно – алекъяськон – юнме дыр быдтон!
9Пинал пи, пинал дыръяд шулдыръяськы,
пинал дырысьтыд улон нуналъёсыд сюлэмдэ мед шумпоттозы;
сюлэмыдлэн мынэм потон сюресъёсыз кузя ветлы,
синъёсыд мае адӟо, отчы мын,
но тод: ваньмыз таос понна Инмар тонэ судэ султытоз.
10Мӧзмон-куректонэз сюлэм бордысьтыд улля,
уродзэ-лексэ мугор бордысьтыд палэнты,
малы ке шуоно пинал дырыд, егит дырыд –
алекъяськон – юнме дыр быдтон.
Глава 11
