Bible
Choose Language
Old Testament Books
New Testament Books
ПСАЛТИРЬ
95-тӥ ПСАЛОМ
[Давидлэн ушъян кырӟанэз. Корка пуктыку.]
1Кузё-Инмарлы выль кырӟан кырӟалэ;
быдэс музъем выл, Кузё-Инмарлы кырӟалэ!
2Кузё-Инмарлы кырӟалэ, Солэсь нимзэ данъялэ,
нуналлы быдэ Солэн утёнэз сярысь ӟеч ивор вералэ!
3Вань калыкъёс пӧлын Солэсь данзэ ивортылэ,
вань выжыос пӧлын Солэсь паймымон ужъёссэ тодытэ!
4Кузё-Инмар – быдӟым, туж ушъямон,
вань инмаръёслэсь Со кышкамон.
5Язычникъёслэн вань инмаръёссы – сульдэръёс,
нош Кузё-Инмар инъёсты кылдытӥз.
6Солэн азьпалаз данлык но быдӟымлык,
Солэн храмаз кужым но паймымон чеберлык улэ.
7Калыкъёслэн выжыоссы,
Кузё-Инмарлы тау каре, Кузё-Инмарез данъялэ, сӥлы каре.
8Кузё-Инмарез, Солэсь нимзэ данъялэ,
курбонъёс нуыса, Солэн азбаръёсаз пырелэ.
9Вӧсяськон интыяз пырыса, Кузё-Инмарлы йыбырттэ.
Быдэс музъем, Солэн ымныр азяз куалекъя!
10Калыкъёслы вералэ:
«Кузё-Инмар – эксэй, соин ик дунне юн сылэ, уг вырӟылы.
Калыкъёсты Со шонер судить кароз».
11Инъёс мед шулдыръяськозы,
музъем мед шумпотоз; зарезь но мар со пушкын вань, мед куашетоз.
12Мед шумпотозы бусыысь вань будосъёс,
шумпотыса мед куашетозы тыпы сурдысь писпуос
13Кузё-Инмарлэн азяз; уго Со лыктэ, лыктэ музъемез судить карыны.
Дуннеез Со шонерлыко судить кароз,
калыкъёсты зэмлыко судить кароз.
Глава 95
