Bible
Choose Language
Old Testament Books
New Testament Books
ПСАЛТИРЬ
90-тӥ ПСАЛОМ
[Давидлэн ушъян кырӟанэз.]
1Вылысь Инмарлэн бурд улаз улӥсь,
Ваньмызлэсь Кужмолэн саюлаз кыллись
2Кузё-Инмарлы шуэ: «Мынам ватӥськонэ, мынам утиськонэ –
Мынам Инмаре, Тыныд мон оскиськыса улӥсько».
3Со тонэ кутӥсьлэн сьӧлтэтэзлэсь, кулон черлэсь мозмытоз.
4Аслаз бурдыныз тонэ шобыртоз, Солэн бурд улаз кышкатэк улод;
Солэн зэмлыкез тон понна щит но, кенер но луэ.
5Уд кышка уйлэн кӧшкематонъёсызлэсь,
нуназе лобись пукыӵ ньӧллэсь,
6пеймытын ветлӥсь сьӧдчерлэсь,
нуназе куазьын погыртӥсь палась черлэсь.
7Тынад вӧзад сюрсэз погралозы, дас сюрсэз бурпалад усёз,
нош тынад матад урод уз лыкты.
8Синъёстэ ӝутыса учкод но
сьӧлыклэсь кышкасьтэмъёслы пунэм берыктӥськемез адӟод.
9Тон шуид: «Кузё-Инмар – мынам оскиськонэ».
Аслыд ватӥськон интылы Вылысь Инмарез тон бырйид.
10Тон борды урод уз йӧтӥськы, чер но юртэдлэн матаз уз лыкты.
11Котькыӵе сюресъёстӥ ветлон дыръяд
Аслаз Кылчинъёсызлы Со тонэ утьыны косоз уго.
12Пыдыныд но из борды медад канжаськы шуыса,
тонэ киязы ӝутыса нуозы.
13Шиетӥсь кый вылэ, лек кый вылэ лёгиськод,
сьӧсь пӧйшурез, лобась кыез пыдыныд лёгалод.
14«Монэ яратэм понназ сое мозмыто,
утё сое, со Мынэсьтым нимме тодэ уго.
15Мыным вазиськиз ке, сое кыло,
куректон-кайгуэз дыръя Мон со дорын.
Сое мозмыто, данэ потто,
16кема улонэн тыр каро, Аслэсьтым утёнме солы возьмато».
Глава 90
