Bible
Choose Language
Old Testament Books
New Testament Books
ПСАЛТИРЬ
85-тӥ ПСАЛОМ
Давидлэн вӧсяськонэз.
1Кузё-Инмаре, пельдэ мыкырты, кыл монэ,
мон начар, куанер-мискинь.
2Лулме уть, Тон азьын мон дун-чылкыт улыны тыршисько.
Тыныд оскиськыса улӥсь ляльчиез, Инмаре, уть.
3Жаля монэ, Кузё-Инмаре, нунал лумбыт Тыныд вӧсяськисько.
4Лулы Тон доры, Кузё-Инмаре, кыстӥське,
ляльчиедлэн лулызлы шумпотон сёт.
5Кузё-Инмаре, ваньмызлы, Тыныд вазиськисьёслы,
Тон ӟечлыко, туж гажась, жалясь луиськод.
6Кузё-Инмаре, кыл мынэсьтым вӧсяськемме,
кылзы мынэсьтым куриськем куараме.
7Куректоно-кайгуо нуналам Тыныд вазиськисько,
Тон монэ кылод уго.
8Кузё-Инмаре, Тон кадез инмаръёс*а пӧлын ӧвӧл,
Тынад кадез ужъёс но ӧвӧл.
9Тынад кылдытэм вань калыкъёсыд лыктозы но Тон азе йыбырттозы,
Кузё-Инмаре, Тынэсьтыд нимдэ данъялозы.
10Тон быдӟым, паймымон ужъёс лэсьтӥськод, Тон – Инмар, одӥг Тон.
11Кузё-Инмаре, Аслад сюресэдлы монэ дышеты,
соку мон зэмлык сюрес кузяд ветло;
Тынад нимыдлэсь кышкан пала сюлэмме берыкты.
12Вань сюлмысьтым, Кузё-Инмаре, Инмаре, Тыныд тау каро,
пумтэм вапумъёс ӵоже Тынэсьтыд нимдэ данъяло.
13Быдӟым Тынад монэ гажан-жалянэд,
мынэсьтым лулме адлэн пыдэсысьтыз мозмытӥд.
14Инмаре! Возьытэз валасьтэмъёс мыным пумит султӥзы,
сьӧсь муртъёслэн уллёзы мынэсьтым лулме утча;
асьсэлэн азязы соос Тонэ ӧз пуктэ.
15Шырыт сямо, лякыт сюлэмо, кема чидась, юн гажась-жалясь,
зэмлыко Тон, Инмаре Кузё-Инмаре.
16Учкы мон шоры, жаля монэ;
ляльчи пиедлы кужым сёт, ляльчи кышноедлэсь пизэ уть.
17Ӟечлык понна мон вылын паймымон тодметтэ возьматы,
монэ адӟемпотостэм карисьёс мед адӟозы, мед возьдаськозы,
уго Тон, Кузё-Инмаре,
мыным юрттӥд, монэ буйгатӥд.
*а 85:8 учкы: Пс. 95:4,5
Глава 85
