Bible
Choose Language
Old Testament Books
New Testament Books
ПСАЛТИРЬ
84-тӥ ПСАЛОМ
1Хорлэн кивалтӥсезлы. Корей пиослэн. Крезьгур.
2Кузё-Инмаре! Тон жаляд Аслэсьтыд музъемдэ,
Иаковлэсь калыксэ пленысь берыктӥд.
3Ас калыкедлэсь законлы пумит улэмзэ ӵушид,
солэсь вань сьӧлыкъёссэ шобыртӥд.
4Йыркурдэ кысӥд, вожпотонэдлэсь лексэ палэнтӥд.
5Инмармы, Утисьмы, ӝут милемыз, вождэ поттэмысь дугды.
6Оло, пумтэм вапумъёс ӵоже ми вылэ йыркурен улод-а,
вожпоттондэ выжыысь выжые возёд-а?
7Тон милемыз улӟытысалыд ке,
соку Тынад калыкед бордад шумпотыса улысал.
8Кузё-Инмаре, жаля милемыз, уть милемыз.
9Кылзӥсько, мар шуоз Инмар Кузё-Инмар.
Ас калыкезлы, быръем калыкезлы каньыллык Со сӥзёз, –
укылтэм улонэ соос берен медаз ни усе.
10Инмарлэсь кышканэн улӥсьёс понна, зэм ик, Солэн утёнэз матын,
данлык асьме музъемын улоз!
11Гажан-жалян но зэмлык пумисько,
шонер улонэн тупаса улон чупасько.
12Зэмлык ӝутске музъемысь, нош шонер улон инмысен учке.
13Кузё-Инмар ӟечлык сётоз но,
музъеммы аслэсьтыз емышъёссэ поттоз.
14Шонер улон Солэн азьтӥз мыноз,
сюрес вылэ со аслэсьтыз пыдтышъёссэ пуктоз.
Глава 84
