Bible
Choose Language
Old Testament Books
New Testament Books
ПСАЛТИРЬ
83-тӥ ПСАЛОМ
1Хорлэн кивалтӥсезлы. Геф шудонэн. Корей пиослэн. Крезьгур.
2Ин кужымъёслэн Кузё-Инмарзы,
макем дуноесь-мусоесь улон интыосыд!
3Катьтэммиз ини лулы, Кузё-Инмарлэн азбаръёсаз пыремез потыса;
сюлмы, лулмугоры улэп Инмар доры курисько.
4Ин кужымъёслэн Кузё-Инмарзы, мынам Эксэе, мынам Инмаре,
алтарь вӧзад тылобурдо но аслыз улон инты шедьтэ,
ваёбыж но пиосызлы кар лэсьтэ!
5Тынад коркад улӥсьёс шудоесь,
соос Тонэ дугдылытэк ушъяса улозы.
6Шудо адями, кудӥзлэн кужым басьтон интыез Тон дорын,
кинлэн сюлэм сюресъёсыз Тон доры курисько.
7«Бӧрдон» нёжалтӥ ветлӥсьёс ошмес ву потто,
зор ву сое ӟечлыкен шобыртэ.
8Кужым борды кужым люкаса, соос мыно но,
Сӥонэ вуыса, Инмар азе султо.
9Кузё-Инмаре, ин кужымъёслэн Инмарзы!
Мынэсьтым вӧсяськемме кыл,
Иаковлэн Инмарез, кылзы!
10Инмаре, милям щитмы, адӟы,
Аслад вӧйын зырӟыса пуктэмедлэн ымныр шораз учкы.
11Тынад азбаръёсад одӥг нунал улон умойгес
мукет интыын сюрс нуналъёс улонлэсь.
Сьӧлыклэсь кышкасьтэмъёслэн юртазы улытозь,
Инмар коркалэн ӧс выжыяз, эсьмаса, улысал,
12Инмар Кузё-Инмар – со шунды но щит.
Кузё-Инмар дэлет но дан сётэ,
дун-шектэм улӥсьёслы Со ӟечлык сётытэк уг кельты.
13Ин кужымъёслэн Кузё-Инмарзы!
Тыныд оскиськыса улӥсь мурт шудо!
Глава 83
