Bible
Choose Language
Old Testament Books
New Testament Books
ПСАЛТИРЬ
81-тӥ ПСАЛОМ
Асафлэн крезьгурез.
1Туж трос инмаръёс*а пӧлы Инмар султӥз;
инмаръёс пӧлын суд лэсьтӥз.
2Кудкемозь тӥ шонертэм суд лэсьтоды на,
сьӧлыклэсь кышкасьтэмъёс азьын чеберъяськыса улоды на?
3Куанерлы но, анайтэм-атайтэм муртлы но дурбасьтэ,
ултӥям муртэз, кураськисез шонерлыкын возе.
4Куанер муртэз, кураськисез мозмытэ,
сьӧлыклэсь кышкасьтэмъёслэн киулысьтызы соосты поттэ.
5Уг тодо, уг валало, пеймыт азьтӥ ветло;
музъемлэн вань инъетъёсыз зуркало.
6Мон шуи: тӥ – инмаръёс, Вылысь Инмарлэн пиосыз тӥ ваньды.
7Но тӥ адямиос кадь ик кулоды, эксэйёс кадь ик тӥ но усёды.
8Эй, Инмаре, султы, музъемез судить кар,
вань калыкъёсыз люкетлы Тон басьтод.
*а 81:1 татын инмаръёс шуэмын Израильлэн судьяосыз сярысь (Пот. 21:6)
Глава 81
