Bible
Choose Language
Old Testament Books
New Testament Books
ПСАЛТИРЬ
79-тӥ ПСАЛОМ
1Хорлэн кивалтӥсезлы. Шошанним-эдуф шудонэн. Асафлэн крезьгурез.
2Израильлэн Возьмасез!
Кылзӥськы, ыжъёсты кадь Иосифез нуллӥсь,
херувимъёс вылын пукись, возьматы Астэ.
3Ефрем, Вениамин, Манассия азьын кужымдэ потты,
лыкты милемыз утьыны.
4Эй, Инмаре! Милемыз Ас палад берыкты;
ымныр югытэд пиштӥз ке, ми утиськомы!
5Кузё-Инмаре, ин кужымъёслэн Инмарзы!
Калыкедлэсь вӧсяськемзэ санэ понытэк,
кема-а лекъяськыса улод на?
6Соосты Тон синкыли нянен тырмыт сюдӥд, синвуэн тырмыт сектад.
7Бускельёсмылы милемыз ултӥяны сётӥд,
тушмонъёсмы милемыз сантэмаса возё.
8Ин кужымъёслэн Инмарзы! Милемыз Ас палад берыкты;
ымныр югытэд пиштӥз ке, ми утиськомы!
9Виноград модосэз Тон Египетысь поттӥд,
калыкъёсты улляд но соос интые сое мерттӥд.
10Солы инты сузяд, солэсь выжыоссэ юнматӥд,
соку со музъем вылэ аляз.
11Гурезьёс солэн вужереныз шобырскизы,
улвайёсыз Инмарлэсь кедырпуоссэ возъязы.
12Аслэсьтыз вайёссэ зарезь дурозь лэзиз,
шур дурозь вуизы выль пушйись вайёсыз.
13Мар понна Тон солэсь кенеръёссэ куашкатӥд?
Сюрес кузя мынӥсь-ветлӥсьёс ваньмыз табере емышсэ ишкало.
14Нюлэскын улӥсь кырпарсь сое гудэ, луд пӧйшур сое йыръе.
15Ин кужымъёслэн Инмарзы! Инмысен ми пала берытскыса учкы,
адӟы милемыз, та виноградпуд доры вуылы ук.
16Уть сое, мае Тынад бур киыд мерттӥз,
выль пушъем вайёсты, кудъёссэ Тон Аслыд будэтӥд.
17Сое тылын сутӥзы, тӥязы-коразы;
со понна Тынад вожпотонэн тырмем ымныр азяд кышкаса бырозы.
18Тынад киыд мед луоз бур киыд вӧзын сылӥсь пиосмурт вылын,
адями пи вылын, кудӥзлы Тон кужым сётӥд.
19Ми Тон бордысь ум палэнске;
улӟыты милемыз, соку ми Тыныд вазиськыса уломы.
20Кузё-Инмаре, ин кужымъёслэн Инмарзы!
Милемыз Ас палад берыкты;
ымныр югытэд пиштӥз ке, ми утиськомы!
Глава 79
