Bible
Choose Language
Old Testament Books
New Testament Books
ПСАЛТИРЬ
78-тӥ ПСАЛОМ
Асафлэн крезьгурез.
1Эй, Инмаре! Люкет музъемад язычникъёс лыктӥзы,
соос святой храмдэ саптазы,
Иерусалимез куашкатэм из юртлы пӧрмытӥзы.
2Ляльчиосыдлэсь шӧйёссэс ин тылобурдоослы кокчаны сётӥзы,
святойёсыдлэсь мугоръёссэс кыр пӧйшуръёслы кесяны кельтӥзы.
3Соослэсь вирзэс, вуэз кадь, Иерусалим котыре кисьтӥзы,
соосты ватыны но нокинлы луиз.
4Бускельёсмы азьын серекъян-веранлы пӧрмимы,
котырамы улӥсьёс азьын тышкаськонлы, сантэманлы кылимы.
5Кузё-Инмаре, кема-а йыркуръяськыса улод на,
кема-а Тынад пӧсекъянэд тыл кадь гомаса улоз на?
6Тонэ тодӥсьтэм калыкъёс вылэ,
Тынад нимыдлы вазиськисьтэм эксэйлыкъёс вылэ йыркурдэ кисьты.
7Соос Иаковез ньылӥзы уго, улон интызэ тырттэм кельтӥзы.
8Вашкала пересьёсмылэсь сьӧлыкъёссэс ми вылэ эн поны,
шырыт сямдэ ӝоггес ми дорын возьматы,
ми уго туж начар улыны кылимы ни.
9Инмаре, милям Утисьмы,
нимыдлэсь данзэ ӝутон понна юртты милемлы;
Аслад нимыд понна мозмыты милемыз, сьӧлыкъёсмес кушты.
10Малы язычникъёс вераны кулэ: «Кытын соослэн Инмарзы?»
Язычникъёслы тодмо мед луоз,
ляльчиосыдлэсь вирзэс кисьтэм понна
син азямы Тон пунэмзэ берыктӥськод шуыса.
11Тон азе мед вуоз пытсэтын пукисьлэн курадӟем куараез,
суйбыгытэдлэн кужмыныз виыны сётэмъёсты утьы.
12Бускельёсмылэсь Тонэ, Кузё-Инмаре, сантэмамзэс,
сизьым полэс мултэсмытыса пушказы берыкты.
13Нош ми, Тынад калыкед, возь вылысьтыд ыжъёсыд,
пумтэм дауръёс ӵоже Тонэ данъяломы,
выжыысь выжыосы Тонэ ушъяса вераломы.
Глава 78
