Bible
Choose Language
Old Testament Books
New Testament Books
ПСАЛТИРЬ
76-тӥ ПСАЛОМ
1Хорлэн кивалтӥсезлы, Идифумлы. Асафлэн крезьгурез.
2Куараме поттыса, Инмарлы вазисько, куараен вазисько;
куараме поттыса, Инмарлы вазисько, Со монэ кылоз.
3Шугадӟон нуналам Кузё-Инмарез утчасько;
уйин киы ӝутскемын, уг лэзиськы,
лулылэн буйгатскемез уг поты.
4Инмарез тодам вайисько, куалекъясько,
малпасько но, духе каньсыра.
5Синъёсме кыньыны Тон маза уд сётӥськы,
мон куалектэмын, вераськеме но уг луы.
6Вашкала нуналъёс сярысь, ортчем аръёс сярысь малпаськисько.
7Уйёсы кырӟанъёсме тодам вайисько,
сюлмыным вераськисько, нош духе ответ утча.
8Пырак ӵожелы-а Кузё-Инмар монэ палэнтӥз ни, оло,
табере ӟеч эриксэ но уз ни-а сёты?
9Пырак ӵожелы Солэн гажан-жалянэз, оло, быриз-а ни,
пырак ӵоже Со, оло, чус улоз-а ни?
10Инмар жаляны вунэтӥз-а, оло?
Шырыт сямзэ вожпоттон дыръяз ворсаз, оло?
11Соку мон шуи: «Тани мынам куректон-кайгуэ –
Вылысь Инмарлэн бур киызлэн воштӥськеменыз сэрен».
12Кузё-Инмарлэсь ужъёссэ тодам ваё;
Тынэсьтыд вашкала аръёсысь паймымон ужъёстэ буре ваё.
13Тынэсьтыд вань ужъёстэ валаны тыршо,
быдӟым ужъёсыд сярысь малпасько.
14Эй, Инмаре! Дун-Чылкыт Тынад сюресэд.
[Асьмелэн] Инмармы кадь кыӵе Инмар луоз быдӟым!
15Паймымон ужъёс лэсьтӥсь Инмар Тон!
Калыкъёс пӧлын Тон быдӟым кужымдэ возьматӥд.
16Суйбыгытэныд Тон Аслэсьтыд калыктэ,
Иаковлэсь но Иосифлэсь выжыоссэс, мозмытӥд.
17Эй, Инмаре! Вуос Тонэ адӟизы, вуос Тонэ адӟизы но кышкатскизы,
пыдэстэм дуннеос дыр-р куалекъяны кутскизы.
18Пилемъёс ву кисьтӥзы, сьӧд пилемъёс гудыръязы,
ньӧлъёсыд лобазы.
19Инмын Тынад гудыръям куараед,
быдэс дуннеез чилекъям югдытылӥз, музъем зурказ, куалекъяз.
20Тынад сюресэд зарезьын, ветлон сюресэд быдӟым вуос вылын,
пытьыосыд адӟыны луонтэмесь.
21Моисейлэн но Ааронлэн киынызы, пудо уллёез кадь,
Тон нуид Аслэсьтыд калыктэ.
Глава 76
