Bible
Choose Language
Old Testament Books
New Testament Books
ПСАЛТИРЬ
75-тӥ ПСАЛОМ
1Хорлэн кивалтӥсезлы. Сиё шудонъёсын. Асафлэн крезьгурез. Кырӟан.
2Иудеяын Инмарез тодо, Израильын Солэн нимыз быдӟым.
3Салимын Солэн юртэз, Сӥонын Солэн улон интыез.
4Отын Со пукыӵ ньӧлъёсты но, щитэз но, палашез но,
ожез но пазьгиз.
5Быдӟым гурезьёслэсь но Тон сӥё-даногес, быдӟымлыкогес.
6Сюлмынызы кышкасьтэмъёс куалектӥзы, кулон уммен нырулӥзы,
ожмаськись пиослэн киоссы кужымтэм кылизы.
7Тынад косэменыд, Иаковлэн Инмарез,
ожмаськон уробо но, вал но нырулӥзы.
8Тон кышкыт. Тынад азяд вожед потон дыръя кин сылыны чидалоз?
9Инмысен Тон суд сярысь ивортӥд;
музъем кышкатскиз но чус кариськиз,
10куке Инмар музъем вылысь вань ултӥямъёсты утён понна
суд лэсьтыны султӥз.
11Адямиослэн йыркурзы но Тонэ данъянлы пӧрмоз;
йыркурзылэсь кылемзэ Тон зӥбломытод.
12Инмардылы Кузё-Инмарлы кыл сётэ но сое быдэстэ!
Ваньмыз, кин Со котырын, Кышкытлы кузьымъёс мед ваёзы.
13Кузёяськисьёслэсь лулзэс Со зӥбыт-востэм каре,
музъем выл эксэйёс понна Со кышкыт.
Глава 75
