Bible
Choose Language
Old Testament Books
New Testament Books
ПСАЛТИРЬ
74-тӥ ПСАЛОМ
1Хорлэн кивалтӥсезлы. «Эн быдты». Асафлэн крезьгурез. Кырӟан.
2Данъяськомы Тонэ, Инмаре, данъяськомы,
Тынад нимыд матын уго;
паймымон ужъёсыд сярысь ивортомы.
3«Дыр быръё но шонерлыко суд лэсьто.
4Куалекъя музъем, ваньмыз отын улӥсьёс но.
Мон солэсь юбооссэ юнмато».
5Визьтэмъяськисьёслы шуисько: «Эн визьтэмъяське»,
сьӧлыклэсь кышкасьтэмъёслы: «Сюрдэс эн ӝутэ.
6Сюрдэс вылэ эн ӝутэ, [Инмарлы пумит] ӧрекчаськыса эн вераське».
7Шундыӝужанысь но ӧвӧл, шундыпуксёнысь но ӧвӧл,
кыр дуннеысь но ӧвӧл ӝутӥськон.
8Инмар суд лэсьтӥсь луэ уго: одӥгзэ улэ васькытэ,
нош мукетсэ ӝутэ.
9Кузё-Инмарлэн кияз чаша,
отын пачылаз сураськыса вина пӧзе, отысь Со лэзья.
Дунне вылысь вань сьӧлыклэсь кышкасьтэмъёс
маялзэ ик солэсь пызьыртыса юозы.
10Нош мон Иаковлэсь Инмарзэ кырӟаса данъяло,
быдэс даурам Со сярысь ивортыло.
11Сьӧлыклэсь кышкасьтэмъёслэсь сюръёссэс Со тӥялоз,
нош шонер улӥсьёслэн сюръёссы*а ӝутӥськозы.
*а 74:11 сюр кыл возьматэ «кужым, кузёлык» шуэмез
Глава 74
