Bible
Choose Language
Old Testament Books
New Testament Books
ПСАЛТИРЬ
66-тӥ ПСАЛОМ
1Хорлэн кивалтӥсезлы. Сиё шудонъёсын. Крезьгур. Кырӟан.
2Эй, Инмаре! Милемыз жаля, бакель кар милемыз,
югыт ымнырдэ милемлы возьматы.
3Тынэсьтыд сюрестэ музъем вылын мед тодозы,
мед тодозы, вань калыкъёслы утиськон сётӥськод шуыса.
4Калыкъёс Тонэ санэ мед понозы, Инмаре,
вань калыкъёс Тонэ мед данъялозы!
5Калык выжыос мед шумпотозы, мед шулдыръяськозы!
Уго Тон калыкъёсты шонер судить кариськод,
музъем вылысь выжыосын кивалтӥськод.
6Калыкъёс Тонэ санэ мед понозы, Инмаре,
вань калыкъёс Тонэ мед данъялозы!
7Музъем емышсэ сётӥз;
Инмар, асьмелэн Инмармы, асьмемыз бакель мед кароз.
8Инмар асьмемыз бакель мед кароз,
музъемлэн вань пумъёсыз Солэсь кышканэн мед улозы.
Глава 66
