Bible
Choose Language
Old Testament Books
New Testament Books
ПСАЛТИРЬ
60-тӥ ПСАЛОМ
1Хорлэн кивалтӥсезлы. Сиё шудонэн. Давидлэн крезьгурез.
2Эй, Инмаре, кыл мынэсьтым вазиськемме,
вӧсяськем кылъёсме санэ пон!
3Сюлмы куректон дыръя музъемлэн пумысеныз Тыныд вазиськисько:
тубыса сузьыны луонтэм изгурезь йылэ ӝут монэ.
4Тон мынам ватӥськон интые, тушмонлэсь кужмо утисе.
5Пырак дауръёс ӵожелы Тынад юртад улыны пыро,
бурдыдлэн шобырет улаз кышкатэк уло.
6Тон, Инмаре, сӥзиськем кылъёсме кылӥд,
нимыдлэсь кышканэн улӥсьёслы люкет сётӥд.
7Эксэйлы нунал вӧзаз нуналъёс ватса,
улоно аръёссэ выжыысь выжые кузьгес кар.
8Пырак дауръёс ӵоже Инмар азьын со мед улоз,
гажан-жалян, зэмлык сое мед утёзы.
9Аслэсьтым сӥзиськонъёсме нуналлы быдэ быдэсъяса,
Тынэсьтыд нимдэ пумтэм вапумъёс ӵоже кырӟаса данъяло.
Глава 60
