Bible
Choose Language
Old Testament Books
New Testament Books
ПСАЛТИРЬ
57-тӥ ПСАЛОМ
1Хорлэн кивалтӥсезлы. «Эн быдты». Давидлэн гожтэмез.
2Судить карисьёс, зэм ик-а тӥ зэмлыкез вераськоды,
адями пиос, шонер-а судить кариськоды?
3Сюлмыныды законлы пумит ужъёс лэсьтӥськоды,
музъем вылын киыныды лэсьтэм сьӧсь ужъёстэс
вес вылэ понӥськоды.
4Сьӧлыклэсь кышкасьтэмъёс вордскемзы дырысен ик палэнскизы,
анайзы пушкысь потэм дырысен
ӧрекчаськон веранъёс пӧлы йыромемын.
5Соослэн ядзы кыйлэн ядэз кадь,
пельзэ ворсась пельтэм шиетӥсь кыйлэн кадь.
6Кый тунасьлэсь, пелляськонын ваньмызлэсь устоезлэсь,
куаразэ уг кылы.
7Эй, Инмаре! Ым пушказы ик соослэсь пиньёссэс пыргыты,
сьӧсь пӧйшуръёслэсь вазерпиньзэс сузмыты, Кузё-Инмаре!
8Кошкись ву кадь мед бырозы; пукыӵ ньӧлъёссэс золтӥзы ке,
ньӧлъёссы тӥялскем кадесь мед луозы.
9Усьтӥськем куалялюльы кадь мед бырозы;
кышномуртлэн усем нуныез кадь шундыез медаз адӟе.
10Ӝуась тёрнпуэз пуртыостылэн шӧдэмзылэсь азьвыл ик
вожзэ но, сутӥськемзэ но тӧлпери мед нуоз.
11Пунэм берыктонэз адӟыса, шонер улӥсь шумпотоз,
сьӧлыклэсь кышкасьтэмлэн вирыныз пыдтышъёссэ миськоз.
12Но адями шуоз: «Зэм ик, шонер улӥсьлы емыш вань!
Зэм ик, музъем вылын Судить карись Инмар вань!»
Глава 57
