Bible
Choose Language
Old Testament Books
New Testament Books
ПСАЛТИРЬ
56-тӥ ПСАЛОМ
1Хорлэн кивалтӥсезлы. «Эн быдты». Сауллэсь ватӥськыса гурезьысь гуын пегӟыса улон дыръяз Давидлэн гожтэмез.*а
2Жаля монэ, Инмаре, жаля монэ, Тон вылэ уго мынам лулы оскиське,
шугадӟонъёс ортчытозь, бурдыдлэн саюлаз ватӥськыса мон уло.
3Инмарлы вазисько, Вылысь Инмарлы,
мыным ӟеч лэсьтӥсь Инмарлы.
4Инмысен Со ыстоз но монэ утёз,
монэ ньылыны турттӥсез возьытэ вуттоз,
Аслэсьтыз гажан-жалянзэ, Аслэсьтыз зэмлыксэ Инмар ыстоз.
5Мынам лулы сьӧсь пӧйшуръёс пӧлы сюриз;
мон кыллисько гомась тылын шокасьёс пӧлын – адямиос пӧлын,
соослэн пиньёссы – шибоды, пукыӵ ньӧл,
нош кылзы – лэчыт пурт.
6Инъёслэсь вылӥе ӝутӥськы,
быдэс музъем вылын Тынад данэд мед луоз!
7Пыдъёсылы сьӧлтэт дасязы, лулме мыкыртӥзы,
мынам азям гу гудӟизы, но асьсэос отчы усизы.
8Дась сюлмы, Инмаре, дась мынам сюлэмы, кырӟало, данъяло.
9Сайка-вырӟы, данэ, псалтирь но крезь, сайкалэ!
Вазь султо, ӟардонэз сайкато.
10Калыкъёс пӧлын мон Тонэ данъяло, Кузё-Инмаре;
выжыос пӧлын мон Тонэ ушъяса кырӟало.
11Инбамозь вуэ Тынад гажан-жалянэд, пилемозь – Тынад зэмлыкед.
12Инъёслэсь вылӥе ӝутӥськы, Инмаре,
быдэс музъем вылын Тынад данэд мед луоз!
*а 56:1 1 Экс. 22:1; 24:3-4
Глава 56
