Bible
Choose Language
Old Testament Books
New Testament Books
ПСАЛТИРЬ
48-тӥ ПСАЛОМ
1Хорлэн кивалтӥсезлы. Корей пиослэн. Крезьгур.
2Вань калыкъёс, тае кылзэлэ;
быдэс дунне вылын вань улӥсьёс, тае санэ понэлэ,
3огшоры улӥсьёс но, сӥё-даноос но, куанер муртэн ӵош узыр но.
4Мынам ымы визьмо кылъёс вералоз,
сюлмылэн малпанъёсыз тодон-валан ивортозы.
5Мадён борды пельме мыкырто,
крезь шудыса, аслэсьтым мадёнме усьто-верало.
6Шугадӟон нуналъёсы малэсь мон кышканы кулэ?
Законлы пумит улэмелэн сюресэз монэ котыртэ.
7Асьтэлэн кужымды вылэ оскиськисьёс,
асьтэлэн трос узырлыкеныды ушъяськисьёс!
8Адями дун тырыса уз быгаты агай-вынзэ мозмытыны,
Инмарлы дун тырыса, со уз быгаты мозмытскыны.
9-10Лулэз мозмытон дуно сылэ уго;
пыраклы улон басьтыны но шайгуэз адӟытэк кыльыны –
пумтэм вапумъёс ӵоже но со уз луы.
11Котькин но адӟе, кызьы визьмоос куло,
соосын ӵош ик укылтэмъёс но, вакчи визьемъёс но куло-быро,
нош ваньбурзы мукетъёслы кыле.
12Ас понназы соос малпало: коркаоссы быдэс дауръёс ӵоже сылозы,
улон интыоссы выжыысь выжые луоз,
музъемъёссэс но соос асьсэлэн нимынызы нимало.
13Нош адями пырак ӵоже сӥ-дан басьтыса уз улы,
со кулоно-быроно пудо-животлы укша.
14Соослэн та сюрессы визьзэс ыштэмзэс возьматэ,
соос сьӧры мынӥсьёс соослэсь малпанзэс умоен лыдъяло ке но.
15Ыжъёсты кадь соосты ад пыдэсэ интыялозы,
кулон соосты возьмаса улоз,
ӵукнаысен кутскыса, шонер улӥсьёс соосын кузёяськыса улозы,
соослэн кужымзы адын быроз, шайгу – соослэн улон интызы.
16Нош Инмар монэ Аслыз басьтоз,
мынэсьтым лулме адлэн киулысьтыз мозмытоз.
17Эн кышка, куке адями узырме, куке солэн юртэзлэн данлыкез будэ.
18Кулэм бераз со номыре но сьӧраз уз басьты,
солэн бӧрсяз данлыкез уз мыны.
19Улэп дыръяз со ассэ ачиз ушъяса улӥз ке но,
мукетъёс но сое данъяло вал,
уго со аслыз ачиз ӟеч лэсьтыса улӥз.
20Но со аслаз атаезлэн выжыосыз доры мыноз,
кудъёсыз ноку но югытэз уз адӟе.
21Сӥ-дан пушкын улӥсь укылтэм адями
кулӥсь-бырись пудо-животлы укша.
Глава 48
