Bible
Choose Language
Old Testament Books
New Testament Books
ПСАЛТИРЬ
47-тӥ ПСАЛОМ
1Кырӟан. Крезьгур. Корей пиослэн.
2Кузё-Инмар – быдӟым,
Аслаз святой гурезяз, Инмарлэн городаз, Со туж данлыко.
3Туж чебер гурезь йыл,
быдэс музъемлэн шумпотонэз Сӥон гурезь,
уйпал люкетаз – быдӟым Эксэйлэн городэз.
4Инмар дурбасьтӥсь луэ шуыса, солэн улон юртъёсаз тодмо.
5Уго тани, музъем выл эксэйёс огазе люкаськизы но
ваньзы ӵош вырӟизы.
6Адӟизы но абдразы, кышкатскизы, соку ик бызьыса кошкизы.
7Отысен соос доры кышкан вуиз,
нуны вайись кышномурт кадь курадӟыны кутскизы.
8Шундыӝужан палась пельтӥсь тӧлэн
фарси пыжъёсты Тон сузмытъяд.
9Мае кылӥмы,
сое ик ин кужымъёслэн Кузё-Инмарзылэн городысеныз адӟимы,
милям Инмармылэн городысеныз.
Инмар пумтэм вапумъёс ӵожелы сое юнматоз.
10Инмаре, Тынад храмедлэн шорысеныз
Тынад гажан-жалянэд сярысь малпаськылӥмы.
11Эй, Инмаре, нимыд но, Тонэ ушъян но музъемлэн пумозяз вуэмын;
бур киыд шонерлыкен тырмемын.
12Сӥон гурезь мед шулдыръяськоз,
иудей нылъёс шум мед потозы
Тынад судъёсыд пумысен, [Кузё-Инмар].
13Мынэлэ Сӥон котыртӥ, котырак сое ортчелэ,
солэсь из каланчаоссэ лыдъялэ;
14юнматэм изкаръёсыз пала сюлэмдэс берыктэ,
вуоно выжылы веран понна солэсь коркаоссэ,
каланчаоссэ учкелэ-чаклалэ.
15Уго таиз Инмар пумтэм вапумъёслы асьмелэн Инмармы луэ,
пумтэм вапумъёс ӵоже Со асьмелы валтӥсь луэ.
Глава 47
