Bible
Choose Language
Old Testament Books
New Testament Books
ПСАЛТИРЬ
46-тӥ ПСАЛОМ
1Хорлэн кивалтӥсезлы. Корей пиослэн. Крезьгур.
2Вань калыкъёс, киыныды чабкелэ,
шумпотон куараен Инмарлы вазиськелэ;
3Вылысь Инмар Кузё-Инмар кышкыт,
Со быдэс музъем выллы быдӟым эксэй луэ.
4Адямиосты киуламы сётӥз, калыкъёсты – милям пыд уламы понӥз.
5Милесьтым люкетмес, Иаковлэсь яратоно чеберлыксэ,
милемлы бырйыса сётӥз.
6Данъян куараен вазиськылыку, Инмар ӝутӥськиз,
гумы куараос кылӥськыку, Кузё-Инмар султӥз.
7Кырӟалэ Инмармылы, кырӟалэ; кырӟалэ Эксэймылы, кырӟалэ.
8Инмар – быдэс музъемлэн Эксэез, ваньды валаса, визьмын кырӟалэ.
9Инмар калыкъёслы эксэй луиз,
Инмар Аслаз святой престол вылаз пуксиз.
10Калыкъёслэн сӥё-данооссы
Авраамлэн Инмарезлэн калыкез доры люкаськизы;
музъемлэн щитъёсыз Инмарлэн кияз; Инмар вылӥ каремын.
Глава 46
