Bible
Choose Language
Old Testament Books
New Testament Books
ПСАЛТИРЬ
27-тӥ ПСАЛОМ
Давидлэн крезьгурез.
1Кузё-Инмаре, Тыныд вазиськисько: Тон мынам юнматскон интые!
Мынэсьтым куриськемме санэ понытэк эн кельты.
Вераськытэк улӥд ке, шайгуэ пырисьёслы мон укшась луо.
2Тыныд вазиськыкум, святой храмед пала киосме ӝутыкум,
Кузё-Инмаре, вӧсяськем куараме кыл.
3Эн быдты, эн нуы монэ сьӧлыклэсь кышкасьтэмъёсын,
шонертэм ужез лэсьтӥсьёсын огазе,
соос ас матысьёссылы тупаса улон сярысь верало,
нош асьсэлэн сюлэм пушказы лекъяськон улэ.
4Лэсьтэм ужъёссы понна, урод улэмзы понна
соослы пунэмзэ берыкты;
киынызы лэсьтэм ужъёссы понна соослы пунэмзэ берыкты,
мар тыр ужазы, сое ик соослы сёт.
5Кузё-Инмарлэсь ужъёссэ, Солэсь киыныз лэсьтэм ужъёссэ
соос уг валало уго.
Куашкатоз но берен уз ни султыты соосты.
6Данъялэ Кузё-Инмарез,
Со уго мынэсьтым вӧсяськем куараме кылӥз.
7Кузё-Инмар – мынам кужыме, мынам щитэ;
сюлмы Солы оскиськыса улэ,
Со мыным юрттэ но, сюлэмы шумпотэ;
мон Сое кырӟаса данъяло.
8Кузё-Инмар – Ас калыкезлэн кужымез,
вӧйын зырӟыса пуктэмезлэн утиськон интыез.
9Аслэсьтыд калыктэ уть,
Аслэсьтыд басьтоно люкеттэ бакель кар;
возьма соосты, пумтэм вапумъёс ӵоже вылад ӝутыса ну.
Глава 27
