Bible
Choose Language
Old Testament Books
New Testament Books
ПСАЛТИРЬ
28-тӥ ПСАЛОМ
Давидлэн крезьгурез. [Тылыс Пуктон праздник ортчем бере.]
1Инмарлэн пиосыз, Кузё-Инмарез вылӥ карелэ,
Кузё-Инмарез данъялэ, сӥё-сано карелэ,
2Кузё-Инмарез, Солэсь нимзэ данъялэ;
пиштӥсь быдӟым данлыкез азьын Кузё-Инмарлы йыбырттэлэ.
3Кузё-Инмарлэн куараез вуос вылын, данлэн Инмарез гудыртӥз,
Кузё-Инмар трос вуос вылын.
4Кузё-Инмарлэн куараез кужмо, Кузё-Инмарлэн куараез гудырес.
5Кузё-Инмарлэн куараез кедырпуосты куашкатэ,
Кузё-Инмар Ливанысь кедырпуосты погыртэ.
6Кунянъёсты музэн соосты тэтчатъя,
Ливанэз но Сирионэз – пинал кыр ошез кадь.
7Кузё-Инмарлэн куараез шуккыса гомась тыл поттэ.
8Кузё-Инмарлэн куараез кыр дуннеез зуркатэ,
Кузё-Инмар Кадес кырез куалекъятэ.
9Кузё-Инмарлэн куараез пужейёсты кускинэн кунян вайытэ,
нюлэсъёсты гольык кельтэ;
Солэн храмаз ваньмыз данъян кылъёс верало.
10Кузё-Инмар ву нюртонлэн вылаз пукиз,
Кузё-Инмар пумтэм вапумъёс ӵоже,
эксэй луыса, престол вылын пукоз.
11Кузё-Инмар Ас калыкезлы кужым сётоз,
Кузё-Инмар калыксэ, каньыллык сётыса, бакель кароз.
Глава 28
