Bible
Choose Language
Old Testament Books
New Testament Books
ПСАЛТИРЬ
25-тӥ ПСАЛОМ
Давидлэн крезьгурез.
1Кузё-Инмаре, Ачид судить кар монэ,
дун-чылкыт улыны тырши мон,
Кузё-Инмарлы оскиськи, уг куалекты.
2Кузё-Инмаре, чакла монэ, эскерыса утча;
пушме ӵыжаты, сюлэмме но;
3уго Тынад гажан-жалянэд мынам син азям улэ,
зэмлык сюрес кузяд мон ветлӥ.
4Ӧрекчи адямиосын огазьын мон ӧй пукы,
кескичъёсын но ӵош уг мыны.
5Урод малпасьёслэсь люкаськонзэс синазькыль кари,
сьӧлыклэсь кышкасьтэмъёсын но огазе уг пуксьы.
6Янгыштэм улэмме возьматон понна киосме мисько,
курбон сётон интытӥд, Кузё-Инмаре, котыртӥз ортчо.
7Ушъян куараез кылыто,
Тынэсьтыд вань паймымон ужъёстэ тодыто.
8Кузё-Инмаре! Яратӥ Тынэсьтыд улон коркадэ,
Тынад данэдлэсь улон интызэ.
9Сьӧлыкоосын огазе эн быдты мынэсьтым лулме,
вир кисьтӥсьёсын ӵош эн быдты мынэсьтым улонме.
10Соослэн киулазы лек ужъёс,
бур кизы кузьым октонэн пачылмемын.
11Нош мон дун-чылкыт ветлӥсько;
мозмыты монэ, [Кузё-Инмаре,] жаля монэ.
12Пыды шонер сюрес вылын сылэ;
калык люкаськон интыосын Кузё-Инмарез данъяса уло.
Глава 25
