Bible
Choose Language
Old Testament Books
New Testament Books
ПСАЛТИРЬ
20-тӥ ПСАЛОМ
1Хорлэн кивалтӥсезлы. Давидлэн крезьгурез.
2Кузё-Инмаре! Тынад кужымед ванен эксэй шулдыръяське,
Тон дорысь лыктоно утён пумысен со вераны луонтэм шумпотэ.
3Солэн сюлэмыз мае кулэ каре вал, Тон солы сое сётӥд,
ымысьтыз потэм куронъёссэ но Тон ӧд палэнты.
4Уго Тон сое, бакель карыса, ӟечлыкен пумитад,
солэн йыр вылаз чылкыт зарнилэсь эксэй изьы изьыяд.
5Со Тынэсьтыд улон куриз –
Тон солы пумтэм вапумъёс ӵожелы кема улон сётӥд.
6Тынад сётэм утиськонад быдӟым солэн данэз;
со вылэ Тон чеберлык, сӥ-дан понӥд.
7Пумтэм дауръёслы Тон сое бакель карид,
ымнырысьтыд потӥсь шумпотонэн сое шулдыртӥд.
8Уго эксэй Кузё-Инмарлы оскиськыса улэ,
Вылысь Инмарлэн гажан-жалянэз ванен со уз куалекты.
9Вань тушмонъёстэ Тынад киыд шедьтоз,
бур киыд [ваньзэс] Тонэ синазькыль карисьёсты шедьтоз.
10Вожед потон дыръя Тон соосты ӝуась гур кадь карод;
вожпоттон дыръяз Кузё-Инмар соосты быдтоз,
тыл соосты ньылоз.
11Музъем вылысь соослэсь емышсэс быдтод,
адями пиослэн пӧлысьтызы соосты выжытэм быдтод.
12Уго Тыныд пумит лек уж лэсьтыны ӧдъязы,
кескич уж лэсьтыны малпазы, но [сое быдэстыны] ӧз быгатэ.
13Тон соосты мышкынызы султытод,
ымныр шоразы пукыӵ ньӧлъёсты лэзьыны дасялод.
14Кужымдэ поттыса, Кузё-Инмаре, ӝутӥськы:
Тынэсьтыд кужымлыктэ ми кырӟаса вераломы, данъяломы.
Глава 20
