Bible
Choose Language
Old Testament Books
New Testament Books
ПСАЛТИРЬ
19-тӥ ПСАЛОМ
1Хорлэн кивалтӥсезлы. Давидлэн крезьгурез.
2Кайгуо-куректоно нуналад Кузё-Инмар тонэ мед кылоз,
Иаковлэн Инмарезлэн нимыз тонэ мед утёз.
3Вӧсяськон интыысьтыз тыныд юрттэт мед лэзёз,
Сӥонысен тонэ мед юнматоз.
4Тынэсьтыд ваем вань курбонъёстэ Со тодаз мед ваёз,
тылын сутӥськись кӧё-вӧё курбонъёстэ кабыл мед басьтоз.
5Сюлмыдлы кельшымонзэ тыныд [Кузё-Инмар] мед сётоз,
вань малпанъёстэ Со мед быдэстоз.
6Утиськонэд пумысен ми шумпотомы,
Инмармылэн нимыз понна знамя ӝутомы.
Тынэсьтыд вань куронъёстэ Кузё-Инмар мед быдэстоз.
7Кузё-Инмар Аслэсьтыз вӧйын зырӟыса пуктэмзэ уте шуыса,
мон та нуналысен тодӥ;
Аслаз бур киызлэн утись кужыменыз
святой Инмысеныз солы ответ сётэ.
8Куд-огез оскиське ожмаськон уробоосызлы, куд-огез – валъёсызлы,
нош ми Кузё-Инмарлэн, Инмармылэн нимыныз ушъяськиськомы:
9соос берлань канжаськизы но погразы,
нош ми султӥмы но шонер сылӥськомы.
10Кузё-Инмаре! Эксэез уть,
милемыз кыл, [Тонэ] ӧтьыса вазиськимы ке.
Глава 19
