Bible
Choose Language
Old Testament Books
New Testament Books
ПСАЛТИРЬ
16-тӥ ПСАЛОМ
Давидлэн вӧсяськонэз.
1Кузё-Инмаре, шонер верамме кыл,
викышъям куараме санэ пон,
вӧсяськемме кабыл басьты – со ӧрекчи ымысь уг поты.
2Тон дорысь мыным суд мед лыктоз;
шонерлык шоры Тынад синъёсыд мед учкозы.
3Сюлэмме Тон эскерид, уйин мон доры лыктӥд, чаклад монэ –
номыр но уродзэ ӧд шедьты; урод малпанъёс ымысьтым уз потэ.
4Тынэсьтыд верам кылдэ санэ поныса,
адями ужъёсыз ужаса улыкум,
лэсянтэм сюресъёслэсь мон асме ути.5Сюрес вылад сылыны пыдъёсме юнматы,
пыдтышъёсы медаз куалектылэ.
6Тыныд вазиськисько мон, Тон монэ кылод уго, Инмаре;
мон пала пельдэ мыкырты, верамме кыл.
7Паймымон гажан-жаляндэ возьматы,
[Тыныд] оскиськыса улӥсьёсты
бур киыдлы пумит султӥсьёслэсь уть.
8Синчебердэ кадь уть монэ,
бурдъёсыдлэн вужеренызы шобырты монэ.
9Вылам урдскем, монэ котыртэм лулылэн тушмонъёсызлэсь,
сьӧлыклэсь кышкасьтэмъёслэсь возьма монэ.
10Кӧйын шобырскизы ни; вылтӥяськыса верасько.
11Вамышмылы быдэ соос табере милемыз котырто,
музъем вылэ погыртон вылысь синъёссэс мертчытӥзы;
12сиён возьмаса улӥсь сьӧсь пӧйшурлы,
лушкем интыын пукись левпилы соос укшало.
13Кузё-Инмаре, султы, пумитазы мын,
пыдес вылазы уськыты соосты.
Палашеныд сьӧлыклэсь кышкасьтэмлэсь лулме мозмыты,
14Аслад киыныд, Кузё-Инмаре, адямиослэсь уть,
та дуннелэн адямиосызлэсь, таяз улонысь люкет басьтӥсьёслэсь.
Соослэсь кӧтсэс тыриськод Аслад узырлыкеныд;
пиоссылэн но кӧтсы тыр,
асьсэлэн нылпиоссылы мултэссэ эшшо кельтозы на.
15Нош мон шонерлыко, ымныр шорад учкыса уло,
сайкам берам, тусбуй шорад учкыса, шумпотонэн пачылмыса уло.
Глава 16
