Bible
Choose Language
Old Testament Books
New Testament Books
ПСАЛТИРЬ
15-тӥ ПСАЛОМ
Давидлэн кырӟанэз.
1Инмаре, уть монэ,
мон Тыныд оскиськисько.
2Кузё-Инмарлы мон шуи:
«Тон Кузёе мынам; Тон сяна, мынам мукет ӟеч адӟонэ ӧвӧл».
3Музъем вылысь святойёс бордын, паймымон муртъёсыд бордын,
мынам вань мылы-кыды.
4Мурт инмаръёс*а доры мынӥсьёслэн куректон-кайгузы мед йылоз;
соослэн виро курбон-салам сётоназы мон уг пыриськы,
соослэсь нимъёссэс кылам-ымам уг поны.
5Кузё-Инмар – со мынам басьтоно люкетэ, чашае.
Мынэсьтым улон сюресме Тон кияд возиськод.
6Йыранъёсы чебересь интыостӥ ортчизы,
басьтоно люкетэ – сюлмылы кельшымон.
7Визь сётӥсь Кузё-Инмарез данъяло;
уйёсы но сюлмы монэ дышетэ.
8Котьку но азьысьтым Кузё-Инмарез адӟисько,
Со мынам бурпалам – уг куалекты.
9Соин ик мынам сюлэмы шумпотӥз, кылы шулдырмиз,
оскиськыса улонэн лулмугоры но буйгатскиз.
10Мынэсьтым лулме Тон адэ уд кельты уго,
дун-чылкыт улӥседлы сисьмонэз уд адӟыты.
11Тон мыным улон сюрес возьматод:
шумпотонлэн пачыл луэмез Тынад син азяд,
шудо улон пумтэм дауръёслы Тынад бур ки улад.
*а 15:4 учкы: Пс. 95:5
Глава 15
