Bible
Choose Language
Old Testament Books
New Testament Books
ПСАЛТИРЬ
12-тӥ ПСАЛОМ
1Хорлэн кивалтӥсезлы. Давидлэн крезьгурез.
2Кузё-Инмаре,
кудкемозь, пумтэм вапумъёс ӵоже-а монэ вунэтыса улод?
Кудкемозь Аслэсьтыд ымнырдэ мынэсьтым ватыса улод?
3Кема-а мыным сюлмаськыса улоно на?
[Уй но] нунал сюлэмам куректон-кайгу улэ.
Тушмонэ мон азьын кема-а вылтӥяськыса улоз на?
4Кузё-Инмаре, Инмаре мынам, учкы, кыл монэ!
Кулон умме медам усьы шуыса, югдыты мынэсьтым синъёсме;
5тушмонэ медаз быгаты вераны: «Мон сое ворми».
Куалектоно луи ке, монэ ёртыса улӥсьёс медаз шумпотэ вал.
6Нош мон Тынад гажан-жалянэдлы оскиськыса улӥсько,
утён сётонэдлы сюлмы шумпотоз;
монэ ӟеч карись Кузё-Инмарез данъяса кырӟало,
[Вылысь Кузё-Инмарлэсь нимзэ ушъяса кырӟало].
Глава 12
