Bible
Choose Language
Old Testament Books
New Testament Books
ПСАЛТИРЬ
13-тӥ ПСАЛОМ
Хорлэн кивалтӥсезлы. Давидлэн крезьгурез.
1Визьзэ ыштэм мурт аслыз ачиз шуиз: «Инмар ӧвӧл».
Азӥзы соос, юрӟым ужъёс лэсьтӥзы, – ӟечсэ лэсьтӥсь ӧвӧл.
2Кузё-Инмар Инмысен адямиос шоры учкиз – адӟыны:
вань-а Инмарез утчась, визьмо мурт.
3Ваньзы палэнскизы, ваньзы огкадь ярантэмесь луизы,
ӟечсэ лэсьтӥсь ӧвӧл, одӥг адями но ӧвӧл.
4Ваньзы законлы пумит улӥсьёс,
мынэсьтым калыкме нянез кадь сиисьёс,
Кузё-Инмарлы вазиськисьтэмъёс, уз визьмаське ни шат?
5[Кытын кышкан ӧвӧл,] отысен соосты кышкан ӝикатоз,
уго Инмар шонер улӥсь выжыос пӧлын луэ.
6Куанерлэсь Кузё-Инмар солэн оскиськон интыез
луэ шуыса малпанзэ тӥ серем кариды.
7Сӥонысен Израильлы кин утиськон сётоз!
Кузё-Инмар Аслэсьтыз калыксэ пленысь берыктэм бере
Иаков шумпотоз, Израиль шулдыръяськоз.
Глава 13
