Bible
Choose Language
Old Testament Books
New Testament Books
ПСАЛТИРЬ
120-тӥ ПСАЛОМ
Вылӥе тубыку кырӟан.
1Синъёсме гурезьёс пала ӝутӥсько – отысь мыным юрттэт лыктоз.
2Инэз но музъемез кылдытӥсь Кузё-Инмар мыным юрттэт сётоз.
3Пыдыдлы куалектыны Со уз сёты, тонэ Утись уз нырулы.
4Тани, Израилез Утись уг нырулы, уг изьы.
5Кузё-Инмар тонэ уте, Кузё-Инмар бурпал ласянь тонэ шобыртэ.
6Нуназе шунды тонэ уз ӵушка, уйин толэзь уз ранӟыты.
7Вань уродлэсь тонэ Кузё-Инмар утёз, [Кузё-Инмар] лулдэ утёз.
8Потыкуд но, пырыкуд но
Кузё-Инмар тонэ утёз али но, пумтэм вапуме.
Глава 120
