Bible
Choose Language
Old Testament Books
New Testament Books
ПСАЛТИРЬ
119-тӥ ПСАЛОМ
Вылӥе тубыку кырӟан.
1Куректон-кайгуэ дыръя Кузё-Инмарлы мон вазиськи но,
Со монэ кылӥз.
2Кузё-Инмаре! Ӧрекчаськись ымлэсь, кескич кыллэсь
лулме мозмыты.
3Кескич кыл мар тыныд сётоз, мар тыныд ватсалоз?
4Кужмолэн ньӧлъёсыз лэчытэсь дрокпулэн ӝуась эгыръёсыныз.
5Мосох дорын, Кидарысь балаганъёс дорын,
улэме понна кайгу мыным.
6Кема улӥ тупаса улонэз адӟонтэм карисьёсын огазьын.
7Тупаса улон сярысь вераны гинэ кутскисько,
соос ожмаськыны султо.
Глава 119
