Bible
Choose Language
Old Testament Books
New Testament Books
ПСАЛТИРЬ
121-тӥ ПСАЛОМ
Вылӥе тубыку кырӟан. Давидлэн крезьгурез.
1Мон шумпотӥ, куке мыным шуизы:
«Кузё-Инмарлэн корказ мыноме».
2Тани, милям пыдъёсмы тынад капка выжыяд сыло, Иерусалим.
3Иерусалим – огазе герӟаса пуктэм город.
4Отчы, Израиль законъя, Кузё-Инмарлэсь нимзэ данъяны
выжыос, Кузё-Инмар выжыос тубо.
5Суд лэсьтон престолъёсыз, Давид юртлэн престолъёсыз, отын сыло.
6Иерусалимлы тупаса улон курыса вӧсяське:
тонэ яратӥсьёс берекетэн мед улозы.
7Изкар пушкад тупаса улон мед луоз,
четлыкъёсад-юртъёсад берекет мед улоз!
8Агай-вынъёсы понна, аслам матысьёсы понна мон шуисько:
«Каньыллык тыныд!»
9Кузё-Инмарлэн, Инмармылэн, коркаез татын сылэ,
со понна тыныд ӟечлык сӥзьыса вӧсяськисько.
Глава 121
