Bible
Choose Language
Old Testament Books
New Testament Books
ПСАЛТИРЬ
10-тӥ ПСАЛОМ
Хорлэн кивалтӥсезлы. Давидлэн крезьгурез.1Кузё-Инмарлы оскиськисько, кызьы озьы тӥ лулылы шуиськоды:
«Тылобурдо музэн асьтэлэн гурезяды лобӟы?»
2Сьӧлыклэсь кышкасьтэмъёс пеймыт азьысен
шонер сюлэмоосты ыбылон понна
пукыӵсэс золтӥзы ни,
ньӧлзэс вуӝ-гозы борды юнматӥзы ни.
3Инъетъёс куашкатэмын ни ке, мар кароз на шонер улӥсь?
4Кузё-Инмар Аслаз святой храмаз,
Кузё-Инмар – Солэн престолэз инмын,
Солэн синъёсыз [куанер мурт шоры] учко,
Солэн синкӧльы ворсэтъёсыз адями пиосты чаклало-эскеро.
5Кузё-Инмар шонер улӥсез чакла-эскере,
нош сьӧлыклэсь кышкасьтэмез, ултӥяны яратӥсез
Солэн лулыз синазькыль каре.
6Сьӧлыклэсь кышкасьтэмъёс вылэ
зор кадь ӝуась эгыръёс, тыл но сера кисьтоз;
ӵушкась тӧл луоз чашаысь басьтоно люкетсы.
7Кузё-Инмар шонерлыко, шонер улонэз Со яратэ;
Солэн ымнырыз шонер улӥсез адӟе.
Глава 10
