Bible
Choose Language
Old Testament Books
New Testament Books
ПСАЛТИРЬ
107-тӥ ПСАЛОМ
1Кырӟан. Давидлэн крезьгурез.
2Дась сюлмы, Инмаре, [дась мынам сюлэмы];
кырӟало, данъяло аслам данэным.
3Псалтирь но крезь, сайкалэ! Вазь султо, ӟардонэз сайкато.
4Калыкъёс пӧлын мон Тонэ данъяло, Кузё-Инмаре;
выжыос пӧлын мон Тонэ ушъяса кырӟало.
5Тынад гажан-жалянэд быдӟым, инъёслэсь вылӥын,
пилемъёслэн йылӥозязы кыстӥське зэмлыкед.
6Эй, Инмаре, инъёслэсь вылӥе ӝутӥське,
быдэс музъем вылын данлыкед пиштыса мед улоз.
7Яратоно муртъёсыд мозмытэмын мед луозы шуыса,
Аслад бур киыныд уть соосты, кыл монэ.
8Вӧсяськон интыысен Инмар шуиз:
«Шумпото-шулдыръясько, люко Сӥхемез,
Сокхоф нёжалэз мертало,
9Галаад – Мынам, Манассия – Мынам,
Ефрем – Мынам йырылэн юнлыкез, Иуда – эксэй бодые,
10Моав – мисьтӥськон тусьтые;
Едом вылэ пыдкутчанме пукто,
Филистим музъем йылысен шумпотон куараен вазьыло».
11Кин монэ юнматэм каре пыртоз? Кин монэ Едомозь вуттоз?
12Тон ӧвӧл-а, Инмаре?
Милемыз куштӥд но ожмаськись муртъёсынымы ӵош
уд ни потӥськы-а, Инмаре?
13Ӝикаса улыкумы, милемлы юрттэт сёт,
уго адямилэн юрттэтэз ӧвӧлтэмлэсь гинэ вань.
14Инмарлэн юрттэменыз, ми кужмоесь луомы,
Со милесьтым тушмонъёсмес уськытъялоз.
Глава 107
