Choose Language
Old Testament Books
New Testament Books
1Елиуй веранзэ азьланьтыса шуиз:
2«Тон шонер шуыса лыдӟиськод-а тазьы верамдэ:
”Мон Инмарлэсь шонергес”?
3Тон шуид: ”Мыным мар пайдаез луоз?
Мон сьӧлыкатэк улысал ке, сьӧлыкано луысал ке но,
кыӵе пайда мон басьтысал?”
4Мон ответ сёто тыныд но, тонэн ӵош сылӥсь эшъёсыдлы но:
5учкы ин шоры, чакла; пилемъёс шоры учкы,
соос тынэсьтыд вылынгес.
6Тон сьӧлыкаськод ке, мар тон Солы кариськод?
Йыружъёсыд но йыло ке, мар тон Солы вайиськод?
7Тон шонерлыко улӥсь ке, мар Солы сётӥськод?
Яке, тынад киысьтыд мар Со басьтэ?
8Тынад сьӧлыклэсь кышкатэк улонэд адямилы сётӥське-йӧтӥське,
тынад шонерлыко улонэд адями пилы сётӥське-йӧтӥське.
9Трос ёртыса возисьёс луэмен, ёрмыса улӥсьёс лулӟылӥсько,
кужмоослэн секыт кизылы чидатэк бӧрдо;
10но нокин но уг шуы: ”Кытын Инмар, мынам Кылдытӥсе,
уйёсы кырӟан сётӥсь,
11музъем вылысь пудоосты сярысь,
асьмеды Со золгес дышетэ,
ин тылобурдоослы сярысь, Со асьмелы золгес визь но понэ?”
12Отын соос тэльмырыса вазисько,
нош Со соослы ответ уг сёты –
лек муртъёслэн вылтӥяськон сямзы ванен.
13”Инмар уг кылы, Дунне Кутӥсь та шоры уг учкы” шуэм зэм ӧвӧл.
14Тон Сое уд адӟиськы шуид ке но,
но суд Солэн азяз – тон возьма сое.
15Али Солэн вожпотонэз со доры ӧз вуылы на,
со сое ӟеч-ӟеч ӧз на тоды-вала на,
16соин сэрен Иов капчи визьмын кылзэ-ымзэ усьтӥз,
юнме шорысь кылзэ быдтэ».
Глава 35
